Венгрия-Кыргыз өнүктүрүү фонду «KYRGYZ TRANS LOGISTIC & GREEN ENERGY EXPO 2025» көргөзмөсүнүн алкагында өткөн Эл аралык конференцияга катышты
2025-жылдын 28–30-октябрында Бишкек шаарында К. Кожомкул атындагы Спорт сарайында KYRGYZ TRANS LOGISTIC & GREEN ENERGY EXPO 2025 эл аралык көргөзмөсү өтөт. Бул иш-чара транспорт, логистика жана жашыл энергия тармактарындагы алдыңкы адистерди бириктирет. Иш-чаранын негизги максаты — тажрыйба алмашуу, бизнес байланыштарды орнотуу жана бул тармактардагы алдыңкы технологияларды көрсөтүү болуп саналат.
Көргөзмөгө Кыргызстан, Казакстан, Кытай, Россия, Өзбекстан жана Түштүк Корея өлкөлөрүнөн 45тен ашуун компаниялар катышууда. Ошондой эле Мишкольц шаарындагы Венгрия университетинин өкүлдөрү — Петер Тамаш жана Петер Вереш дагы катышууда. Иш-чаранын негизги көңүлү транспорт логистикасын өнүктүрүүгө, кампалык инфраструктураны жакшыртууга, коммерциялык транспортту пайдаланууга жана жасалма интеллектке негизделген чечимдерди киргизүүгө бурулган.
Иш-чаранын максаты — Кыргызстандын транспорт жана логистика инфраструктурасын өнүктүрүүгө, инновациялык технологияларды киргизүүгө жана эл аралык кызматташтыкты чыңдоого көмөктөшүү. Мындай деңгээлдеги иш-чаралар бизнес менен мамлекеттин өз ара аракеттенүүсү үчүн ыңгайлуу шарттарды түзүп, өлкөнүн экономикасынын негизги тармактарына инвестиция тартууга жаңы мүмкүнчүлүктөрдү ачат.
Венгрия-Кыргыз өнүктүрүү фондунан Мээрим Чыныбекова иш-чарага катышып, мындай аянтчалар жаңы өнөктөштүктөрдү түзүүдө, тажрыйба алмашууда жана туруктуу экономикалык өнүгүүгө багытталган демилгелерди илгерилетүүдө канчалык маанилүү экенин белгиледи.
