«Инвестициялык форум 2025» катышуу жөнүндө

2025-ж., 19-июнь

Постту бөлүшүү:

Бүгүн Бишкекте Кыргыз Республикасынын Суу чарба, айыл чарба жана кайра иштетүү өнөр жай министрлиги уюштурган “Инвестициялык форум-2025” өттү. Форумду министрдин биринчи орун басары Жаныбек Калканович Керималиев ачып, өлкөнүн агро өнөр жай тармагын туруктуу өнүктүрүү үчүн инвестициянын маанилүүлүгүн баса белгиледи.

Иш-чарада төмөнкү багыттар боюнча негизги инвестициялык долбоорлор сунушталды:

сүттү кайра иштетүү жана сүт өндүрүү; • жашылча-жемиштерди кайра иштетүүнү өнүктүрүү; • эт комбинаттарын модернизациялоо; • тери жана жүндү кайра иштетүү; • нишелүү жана жогорку кирешелүү продукцияны (бал, жаңгак, төө буурчак ж.б.) өнүктүрүү; • логистика, сактоо жана муздаткыч инфраструктурасын түзүү; • кайра иштетүүдө жана таңгактоодо инновацияларды киргизүү; • финансылык инструменттер жана инвесторлорду мамлекеттик колдоо; • айыл чарба продукциясынын экспорттук потенциалы.

Ата мекендик компаниялар жана технология жана каржы тармагындагы эксперттер өздөрүнүн долбоорлорун жана чечимдерин көрсөтүштү. Венгер-Кыргыз өнүктүрүү фондунан форумга башкармалыктын төрагасынын орун басары Канат Курманов катышып, фонд кызматташууга жана айыл чарба тармагындагы инвестициялык долбоорлорду колдоого даяр экенин белгиледи.

Форумдун алкагында B2B форматындагы жолугушуулар, тегерек столдор жана иштиктүү байланыштарды түзүүгө жана тажрыйба алмашууга шарт түзгөн формалдуу эмес маданий программа камтылган. Форум Кыргызстандын агроөнөр жай потенциалын илгерилетүү жана инвесторлор менен кызматташууну бекемдөө үчүн маанилүү аянтча болуп калды.