«Аялдар ойлоп табуучулукта, илимде, чыгармачыл өндүрүштө жана ишкердикте» аттуу аялдар форумуна катышуу жөнүндө

Венгер-Кыргыз өнүктүрүү фонду (мындан ары - Фонд) Бишкек шаарындагы «Инновациялык борбор» мамлекеттик мекемесинде өтүп жаткан «Аялдар ойлоп табуучулукта, илимде, чыгармачыл индустрияда жана ишкердикте» аттуу аялдардын форумуна (мындан ары – Форум) катышууда. Фонддун атынан башкармалыктын мүчөсү Нагира Шаршеева катышууда.

Форумдун ачылышы «Аял жасаган – Кыргызстанда жасалган» көргөзмөсү менен башталды. Пленардык жыйындын ачылышында Кыргыз Республикасынын Министрлер Кабинетинин Төрагасынын орун басары Эдил Байсалов куттуктоо сөз сүйлөдү.

Форумдун спикерлеринин арасында министрликтердин, БУУнун, Ага Хан Фондунун, Ишкер аялдар борборунун Байкоочу кеңешинин жана Кыргыз Республикасынын жеке ишкерлеринин өкүлдөрү бар.