Венгрия-Кыргыз суу ресурстарын башкаруу боюнча форумуна катышуу тууралуу

14-майда Бишкекте суу ресурстарын башкаруу боюнча биринчи Венгрия-Кыргызстан форуму болуп өттү. Форумдун уюштуруучусу Венгриянын Кыргыз Республикасындагы Элчилиги болду, уюштуруучуга колдоо Венгриянын тышкы экономикалык байланыштар жана тышкы иштер министрлиги, ошондой эле Кыргыз Республикасынын Венгриядагы Соода-өнөр жай палатасынын өкүлү жана Венгрия-Кыргыз Өнүктүрүү Фонду тарабынан көрсөтүлдү. Форумду өткөрүүнүн максаты-Венгриянын компаниялары менен Кыргыз Республикасынын суу менен камсыздоо жана суу тазалоо секторундагы уюмдары менен ишканаларынын ортосунда ишкер байланыштарды түзүү.

Венгрия тарабын беш компаниянын жетекчилиги көрсөткөн: A-Híd Zrt. (транспорттук жана коммуналдык курулуш), Pólus Kft. (тамак-аш, кайра иштетүү жана айыл чарба өнөр жайында, коммуналдык чарбада, энергетикада, саламаттыкты сактоодо, коммерциялык кыймылсыз мүлктө жана турак үйлөрдө долбоорлоо, жабдуу жана капиталдык курулуш), Hungarian Water Technology Corporation Ltd (ичүүчү сууну тазалоо системаларын долбоорлоо жана ишке киргизүү, тазалоочу курулмаларды куруу, контейнердик мобилдик суу тазалоо комплекстерин жана саркынды сууларды тазалоо үчүн компакт орнотмолорду өндүрүү, мембраналык тузсуздандыруу орнотмолору жана өнөр жайлык саркынды сууларды кайра иштетүү технологиялары). Realiscon Kft. (суу тазалоо жана суу менен камсыздоо, айлана-чөйрөнү коргоо, жашылдандыруу жана коммерциялык кыймылсыз мүлк долбоорлору боюнча инженердик кызматтар), Art Work Design Kft. (суу объектилери үчүн программалык камсыздоону түзүү).

Форумдун ишине кыргыз тараптан Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Cуу ресурстары кызматынын, Бишкек шаарынын мэриясынын, Кыргыз Республикасынын Президентинин Ысык-Көл облусундагы ыйгарым укуктуу өкүлүнүн аппаратынын, "Бишкексууканал" ӨЭБсынын, Таза Суу, энергиянын кайра жаралуучу булактары ассоциациясынын, "Техно борбор" ЖЧКсынын жана CAI Consulting өкүлдөрү катышышты. Форумдун ишине Шандор Дороги, Венгриянын Кыргыз Республикасындагы Атайын жана ыйгарым укуктуу элчиси, Чоро Сейитович Сейитов, экономика жана коммерция министринин биринчи орун басары, Кыргыз Республикасынын Венгриядагы соода-өнөр жай палатасынын өкүлү Назгүл Малабаева катышты. Венгрия-Кыргыз Өнүктүрүү Фондун башкармалыктын төрагасы Улан Сарбанов жана башкармалыктын мүчөсү Канат Курманов катышты.