ВКӨФ каржылоого арыздарды кабыл алуунун башталганын жарыялайт

Каржылоо арыздарды кабыл алуусу 2022-жылдын 12-майында башталган

Фонд Кыргыз Республикасы менен Венгриянын экономикалык кызматташтыгына кол кабыш кылуу, Кыргыз Республикасынын экономикасын модернизациялоо жана өнүктүрүү, эки өлкөнүн өкмөттөр аралык келишиминде каралган мүмкүнчүлүктөрдү натыйжалуу пайдалануу максатында түзүлгөн.

Фонд кредиттерди жана зайымдарды берүү, капиталга катышуу жана Кыргыз Республикасынын аймагында катталган жана иш алып барган чарбакер субъекттер менен мамилелерде башка финансылык инструменттерди пайдалануу аркылуу Кыргыз Республикасынын экономикасынын артыкчылыктуу тармактарында өзүн-өзү актоочу долбоорлорду каржылайт.

Венгрия менен Кыргыз Республикасын жаңы биргелешкен өнүгүү фондунун ачылышы биздин өлкөлөр ортосундагы эки тараптуу кызматташтыкты чыңдоодогу дагы бир кадам болуп саналат. Фонд инвестицияларды тартуу жана инвестициялык долбоорлорду ишке ашыруу үчүн эффективдүү аянтча болуп, аны түзүү жаңы технологияларды, башкаруу формаларын жана венгриялык компаниялар алган тажрыйбаны тартууга көмөктөшөрү пландалууда.

Каржылоо шарттары:

• ВКӨФ каржылоону алуунун эң маанилүү шарттарынын бири – алдыдагы долбоорлордун мазмунунун кеминде 30% венгердик катышуусу болушу керек.
• Акчалай алганда 15% кем эмес өздүк салым.
• Долбоордун Кыргыз Республикасынын экономикасы үчүн маанисине, венгердик мазмундун даражасына, долбоордун узактыгына жана камсыздоо деңгээлине жараша жылдык 1,5%дан 7,25%га чейин кредиттер боюнча пайыздык чендер.
• Бир долбоорду каржылоонун максималдуу суммасы 5 миллион АКШ долларын түзөт.

Бүгүнкү күндө бул Кыргызстандын рыногунда каржылоонун эң жакшы шарттары